大粒，生日快樂 ❤️
九月我哋就四年啦。
四年話長唔長，但已經長到妳見過好多個唔同版本嘅我。開心嘅我、麻煩嘅我、做嘢甩甩漏漏嘅我，仲有好多唔完美嘅我。
我成日覺得自己未必係一個好識表達嘅人。有時明明想做好一件事，最後都可以搞到好似做 project 咁 😂
但有樣嘢，我一直都好想同妳講。
多謝妳接受一個
唔完美嘅我。
唔係因為妳令我覺得自己唔需要改，而係因為有妳喺身邊，我會想自己慢慢變得好啲。
可能我未必次次都做到妳幻想中最完美嘅男朋友，生日安排亦未必每一樣都完美。
但妳講過嘅嘢，我會想記住。
妳想食嘅，我會想同妳食。
妳想去嘅地方，我會想陪妳去。
妳唔開心嘅時候，我會想喺妳身邊。
因為係妳。
四年前我哋開始咗呢段關係，去到今日，我仍然覺得可以叫妳一聲「大粒」，然後俾妳叫我「大花」，係一件好幸福嘅事。
希望今年、下年，再之後好多年，我都仲可以陪妳過生日。
繼續一齊食好多嘢、去好多地方、做好多無聊嘢；繼續俾妳見到我好多唔完美嘅地方，然後我再慢慢學識點樣做一個更好嘅大花。
生日快樂，大粒。
多謝妳一直都喺度。
大花 ❤️